外父女婿權力轉移，嚇到仔女唔敢嗌 Daddy！好不容易做咗人哋女婿十年，阿基（賓史迪拿）突然收到麻煩外父老積（羅拔迪尼路）來電，話要將家族嘅最高決策權移交俾佢呢個「好女婿」！自覺再唔係嗰個俾人玩到陀陀擰嘅口靚仔，阿基決定挺起胸膛同老積智鬥力博！點知連場暗戰都俾個寶貝仔撞破，次次戰況「激烈」嚇到佢鼻哥窿都冇肉．．．處於下風嘅阿基，最後會唔會做唔成大當家不特止，仲要俾對仔女喺個「信任圈圈」裡面剔走？