三傻玩轉新德里

Tashi 和空姐女朋友計劃結婚，但又與女同事擦出火花，點知女同事有個躁狂丈夫，拎槍開車追佢九條街。Nitin 想住免費屋，居然膽生毛去挖包租公黑材料，但原來包租公有個當差阿哥，誓要為細佬出頭。Arup 畀愛人飛，唯有靠妄想自我安慰，返到公司仲畀老闆窒頭窒勢，呢個 moment 唔爆點得？三個同屋主本來已經係黑仔王，以為衰到貼地，估唔到地下可以加多一層──幫人送個包裹，都居然招惹到江湖大佬，搞到全城黑白兩道大追捕。今次要點收科至好？