夜半女敲門

建築師 Evan（奇洛里維斯）事業得意、家庭美滿，過著令不少人艷羨的生活。一個風大雨大的晚上，一次夜半敲門，兩個自稱蕩失路的女子，令這名行得正企得正的好男人跌落死亡陷阱！當時碰巧妻女離家度假，Evan 敵不過美色當前，實行英雄救美，決定收留兩女在家暫住一晚，更得到兩個靚女以身相許報答！不過，估不到一夜風流之後，就是惡夢的開始！堂堂男子漢俾兩女玩到甩皮甩骨，隨時死咗都冇人知！