保鑣救殺手

全世界最頂尖保鑣 Michael Bryce（賴恩尼諾斯）接到歷來最荒謬嘅任務⋯

目標：護送老細由英國往荷蘭海牙國際法院

風險：東歐獨裁者旗下攞命僱傭兵沿途追殺

老細：保鑣業界死對頭︰金牌殺手 Darius Kincaid（森姆積遜）！

保鑣同殺手是多年宿敵，但同樣賤格唔收口，初則你串我我串番你，繼而有你冇我！

但係既然坐埋同一條船，唔想攬炒，只好一邊互 X 一邊盡快完成任務。

邊個估到，一段世上最矛盾又最曖昧的關係，由此展開⋯？