盜亦有路 2018

在一個寧靜的下午，一個西部牛仔打扮，手持機槍的痴線賊王拉斯 Lars Nystrom（伊凡鶴基），突然單人匹馬打劫瑞典斯德哥爾摩銀行，震驚全瑞典800萬人！

拉斯搶完錢不特只，更挾持了幾個銀行職員作談判籌碼，要求警察放走死黨兼囚犯根拿 Gunnar（馬克史壯），仲要多架靚跑車著草。總督察唯有請示首相，首相見個賊要求多多，就斷然 say no！談判破裂，於是雙方僵持不下，日復一日，一場械劫升溫至全國關注事件。當 hea 爆差人同尊貴首相都懶理人質生死，人質就開始「感激」劫匪無微不至的照料，心諗，而家是咪賊仲可信過差人先？沒有最癲，只有更癲，人質之一的俏人妻連碧安 Bianca（露美慧柏絲）更與拉斯眉來眼去，互相過電，與「情郎」打籠通搞場大龍鳳。

銀行外面人人怒火中燒，銀行裡面又熱情如火，戇賊人妻差佬首相共冶一爐，最後可以點收科？